Naon eta 'Deja vu' teh ?

Seueur panginten rerencangan anu diondang ka dejavusmank@yahoo.com, rada nyureng rehna maos istilah 'dejavusmank'. Saleresna nami alamat email dejavusmank teh tiasa disebat 'rada kacilakaan' waktos ngadamelna, kahoyong mah namina teh 'deja_vu SMAN_kawali' tapi teras norojol wae 'jaringan yahoo' teh nawarkeun nami 'dejavusmank', nya entos we lah dianggo nami eta teh. Istilah 'Deja-vu' muhun sanes tina bahasa sunda, eta istilah ngimpor ti luar negeri. Asal-muasal na mah bpk.Cucu Supangkat gaduh sawangan nganggo hiji istilah anu pas sareng eusi hate anu disebat 'alumni'. Upami diborehkeun naon eta hartosna 'deja vu' ?, cobi abdi bade nyandak hartos tina pustaka, kieu cenah :

http://id.wikipedia.org/wiki/Déjà_vu :
Déjà vu(/ˈdeɪʒɑː ˈvuː/ (bantuan·info)) nyaeta istilah tina bahasa Perancis anu hararafiahnya gaduh hartos 'pernah ningali', ngalami pangalaman anu pernah dialaman seteuacana. Kajadian sarupa ieu disebut oge 'paramnesia' (para = sajajar, mnimi=emutan) saur bahasa Yunani na mah.

http://popsy.wordpress.com/2007/08/01/mengapa-kita-mengalami-deja-vu/
Tah dina web ieu dijelaskeun naon eta 'deja vu' sacara psikologis. Saleresna arurang sadaya teh cenah pernah pangalaman ngaraoskeun 'deja vu', sahiji perasaan aneh anu ngedalkeun yen anu ayeuna dialaman teh pernah dialaman baheula. Anehna deui arurang teh cenah sering henteu tiasa leres-leres ngemut iraha sareng kumaha eta pangalaman tiasa kajadian, pangalaman anu diraoskeun ayeuna cenah sahiji 'sensasi misterius' anu ngajadikeun urang henteu aneh deui sareng paristiwa anu anyar tea. Cenah deja vu teh sacara kajiwaan tiasa disebutkeun 'kahirupan reinkarnasi' kajadian baheula.

Nyaeta geuning, bpk Cucu Supangkat teh mani lebet pisan nya milarian hartosna tepang alumni, pas..pisan. Langkung sae nya upami aya bahasa sundana anu hartosna sami. Wios lah anu maos 'rada nyureng', nambih kapanasaran kanggo rerencangan anu diondang supados lalebet ka 'facebook' dejavusmank. Benten panginten nya upami nganggo istilah 'panineungan', anu diodang henteu 'nyarureng'. Tah kanggo rerencangan anu henteu sumping ka reuni 18 des 2009 teh pasti wae hanjakal, teu kabagian kaos 'deja vu'........

-popi-